Psa 140 | THOT | STEP | לַ מְנַצֵּ֗חַ מִזְמ֥וֹר לְ דָוִֽד ׃

Psalms 140

1 לַמְנַצֵּחַ מִזְמוֹר לְדָוִֽד׃ 2 ^{▼▼English Ref=140.1} חַלְּצֵנִי יְהוָה מֵאָדָם רָע מֵאִישׁ חֲמָסִים תִּנְצְרֵֽנִי׃ 3 ^{▼▼English Ref=140.2} אֲשֶׁר חָשְׁבוּ רָעוֹת בְּלֵב כָּל־יוֹם יָגוּרוּ מִלְחָמֽוֹת׃ 4 ^{▼▼English Ref=140.3} שָֽׁנֲנוּ לְשׁוֹנָם כְּֽמוֹ־נָחָשׁ חֲמַת עַכְשׁוּב תַּחַת שְׂפָתֵימוֹ סֶֽלָה׃ 5 ^{▼▼English Ref=140.4} שָׁמְרֵנִי יְהוָה׀ מִידֵי רָשָׁע מֵאִישׁ חֲמָסִים תִּנְצְרֵנִי אֲשֶׁר חָשְׁבוּ לִדְחוֹת פְּעָמָֽי׃ 6 ^{▼▼English Ref=140.5} טָֽמְנֽוּ־גֵאִים׀ פַּח לִי וַחֲבָלִים פָּרְשׂוּ רֶשֶׁת לְיַד־מַעְגָּל מֹקְשִׁים שָֽׁתוּ־לִי סֶֽלָה׃ 7 ^{▼▼English Ref=140.6} אָמַרְתִּי לַיהוָה אֵלִי אָתָּה הַאֲזִינָה יְהוָה קוֹל תַּחֲנוּנָֽי׃ 8 ^{▼▼English Ref=140.7} יְהֹוִה אֲדֹנָי עֹז יְשׁוּעָתִי סַכֹּתָה לְרֹאשִׁי בְּיוֹם נָֽשֶׁק׃ 9 ^{▼▼English Ref=140.8} אַל־תִּתֵּן יְהוָה מַאֲוַיֵּי רָשָׁע זְמָמוֹ אַל־תָּפֵק יָרוּמוּ סֶֽלָה׃ 10 ^{▼▼English Ref=140.9} רֹאשׁ מְסִבָּי עֲמַל שְׂפָתֵימוֹ יְכַסּוּמוֹ׃ ^{▼▼For Ketiv יְכַסּוּמוֹ׃ Qere= יְכַסֵּֽמוֹ׃} 11 ^{▼▼English Ref=140.10} יָמִיטוּ ^{▼▼For Ketiv יָמִיטוּ Qere= יִמּוֹטוּ} עֲלֵיהֶם גֶּֽחָלִים בָּאֵשׁ יַפִּלֵם בְּמַהֲמֹרוֹת בַּֽל־יָקֽוּמוּ׃ 12 ^{▼▼English Ref=140.11} אִישׁ לָשׁוֹן בַּל־יִכּוֹן בָּאָרֶץ אִישׁ־חָמָס רָע יְצוּדֶנּוּ לְמַדְחֵפֹֽת׃ 13 ^{▼▼English Ref=140.12} יָדַעְתִּ ^{▼▼For Ketiv יָדַעְתִּ Qere= יָדַעְתִּי} כִּֽי־יַעֲשֶׂה יְהוָה דִּין עָנִי מִשְׁפַּט אֶבְיֹנִֽים׃ 14 ^{▼▼English Ref=140.13} אַךְ צַדִּיקִים יוֹדוּ לִשְׁמֶךָ יֵשְׁבוּ יְשָׁרִים אֶת־פָּנֶֽיךָ׃